Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Byggðarráð, fundur nr. 198

Dags. 13.2.2018

198. fundur byggðarráðs haldinn  í stjórnsýsluhúsinu í Búðardal, 13. febrúar 2018 og hófst hann kl. 16:00


Fundinn sátu:
Eyþór Jón Gíslason formaður, Ingveldur Guðmundsdóttir, Sigurður Bjarni Gilbertsson og Sveinn Pálsson sveitarstjóri.


Fundargerð ritaði:  Sveinn Pálsson,

 

Dagskrá:

 

1. Húsnæðisáætlun - 1709024

Fulltrúar Íbúðalánasjóðs höfðu boðað komu sína í dag en hættu við vegna veðurs. Gert er ráð fyrir fundi með þeim í næstu viku.

 
Borist hefur erindi frá aðilum sem áforma að byggja leiguíbúðir til útleigu á félagslegum grunni og spyrjast fyrir um lóðir í Búðardal.

 
Sveitarstjóri og oddviti fara til fundar við þessa aðila nk. föstudag.


Unnið er að breytingu á aðalskipulagi og deiliskipulagi til að auka lóðaframboð í Búðardal.

 

2. Framkvæmdir 2018 - 1801002

Kristján Ingi Arnarsson umsjónarmaður framkvæmda mætir á fundinn.

 

Kristján upplýsir um stöðu undirbúnings framkvæmda.

 
Lögð fram kostnaðaráætlun varðandi endurbætur á Leifsbúð vegna Vínlandsseturs.


Byggðarráð samþykkir að hefja framkvæmdir við 1. áfanga verksins strax og felur umsjónarmanni framkvæmda að afla tilboða.

 

Kristján yfirgefur fundinn.

 

3. Íþrótta- og tómstundafulltrúi - 1802011

Starf íþrótta- og tómstundafulltrúa var auglýst í seinni hluta janúar og umsóknarfrestur rann út 7. febrúar sl.


Þrjár umsóknir bárust.

Á fundinn er mættur Pálmi Jóhannsson fulltrúi UDN.
Byggðarráð samþykkir að boða umsækjendur í viðtöl fimmtudaginn 15. febrúar.

 

Pálmi yfirgefur fundinn.

 

4. Íbúðir fyrir aldraða - Gunnarsbraut 11 og 11a - 1802015

Íbúðir fyrir aldraða á Gunnarsbraut 11 og 11a verða lausar á næstu vikum.

 

Um úthlutun íbúða eldri borgara og lífeyrisþega að Gunnarsbraut 11 og 11a gilda úthlutunarreglur sem finna má á dalir.is.

 

Sveitarstjóra falið að auglýsa íbúðirnar til leigu.

 

5. Viðmiðunarlaun sveitarstjórnarmanna - 1606029

Sveitarstjóri leggur fram yfirlit yfir laun sveitarstjórnarmanna í samburði við nágrannasveitarfélög og viðmiðun Sambands íslenskra sveitarfélaga frá 2016.

 

Einnig drög að reglum Dalabyggðar um þóknum sveitarstjórnarmanna.

 

Vísað til sveitarstjórnar.

 

6. Tækifærisleyfi 2018 - 1711032

Sýslumaðurinn á Vesturlandi óskar umsagnar um umsókn Lionsklúbbs Búðardals um tækifærisleyfi til áfengisveitinga vegna samkomu sem halda á í Dalabúð, Búðardal 10. mars 2018.

 

Byggðarráð gerir ekki athugasemdir við að leyfið verði gefið út.

 

7. Samningur um sýningarhönnun - 1802019

Lögð fram drög að samningi við Hugmynd ehf. um hönnun sýningar í Leifsbúð.

Verkefnið er að miklu leyti fjármagnað með framlögum annarra en Dalabyggðar.
Byggðarráð leggur til að sveitarstjórn staðfesti samninginn.

 

8. Sala eigna - Laugar í Sælingsdal - 1609021

Sveitarstjóri gerir grein fyrir stöðu mála.

 

 

Fleira ekki gert. Fundi slitið kl. 18:00

 

 

 

198. fundur byggðarráðs

 

 

336


 



Til baka