Stjórnsýsluhús Dalabyggðar,
    Miðbraut 11,
    370 Búðardal,
    kennitala: 510694-2019
    Sími: 430 4700

    dalir@dalir.is

Menningarmálanefnd, fundur nr. 6

Dags. 30.9.2019

6. fundur Menningarmálanefndar Dalabyggðar haldinn  í stjórnsýsluhúsinu í Búðardal, 30. september 2019 og hófst hann kl. 16:00


Fundinn sátu:
Þorgrímur Einar Guðbjartsson, Sigrún H. Sigurðardóttir, Hlöðver Ingi Gunnarsson og Valdís Einarsdóttir.

 

Fundargerð ritaði:  Hlöðver Ingi Gunnarsson,

 

Dagskrá:

 

Kristján Sturluson sveitarstjóri situr fundinn undir þessum lið


1. Fjárhagsáætlun 2020-2023 - 1903025

Úr fundargerð 232. fundar byggðarráðs 26.09.2019 (dagskrárliður 4):
1903025 - Fjárhagsáætlun 2020-2023
Byggðarráð vísar drögum að fjárhagsáætlun til viðkomandi nefnda. Nefndir þurfa að skila athugasemdum og ábendingum til byggðarráðs fyrir 20. október. Nefndir hafa það verkefni að finna sparnað í málaflokkum sem nemur 3%.
Samþykkt samhljóða.

 

Umræður um fjárhagsáætlun.

 
Byggðarráð hefur lagt það til að skorið sé niður um 3% á öllum deildum sveitafélagsins. Nefndin leggur til að árgjaldið hækki í 2000 krónur fyrir útlán á bókasafninu.

 


2. Húsnæðismál Byggðasafns Dalamanna - 1902006

Formaður og safnvörður fara yfir húsnæðismál byggðasafns.

Þorgrímur fer yfir forsögu málsins.
Umræður um staðsetningu á Byggðasafninu og hvað eigi að gera við safnmunina ef Laugar verða seldir. Safnstjóri útskýrir að hann er byrjaður að undirbúa það að pakka safninu niður.
Þorgrímur leggur fram minnisblað um húsnæðismál byggðasafns Dalamanna. Umræður um punktana frá Þorgrími.


Nefndin leggur til að halda opinn vinnufund fyrir áhugasama til að ræða málefni Byggðasafnsins og framtíð þess. Svara þarf lykil spurningum um byggðasafnið og ræða þær í stærra samhengi.

 

Nefndin ætlar að vinna áfram að undirbúningi fyrir fundinn og hittast á lokuðum vinnufundi.

 

3. Húsnæðismál Byggðasafns Dalamanna - 1812014

Hugleiðingar frá ýmsum aðilum ræddar varðandi málefni Byggðasafnsins.

Erindið er mótttekið.


Húsnæðismál Byggðasafnsins eru til umræðu og verður þetta erindi tekið til skoðunar inn í þá umræðu.

 

4. Menningarmálastefna Dalabyggðar - 1909028

Umræður um menningarmálastefnu Dalabyggðar

 

Áframhald á umræðu um menningarmálastefnu fyrir Dalabyggð.

 

 

Fleira ekki gert. Fundi slitið kl. 18:00



Til baka